visitas

Prosigo a rolda de consultas sobre o futuro: Caimán, recén chegado dos manglares, anímame a liscar. Pero el, que está no exilio, devece por volver, cóntamo e arguméntame en favor do regreso xustamente cos motivos que frean a miña partida.

Os pais, que tamén aparecen en humidtown presionados polas súas inminentes vacacións a lugares ameazados polo terrorismo, non parecen moi ledos coa idea. Quizais intúan que ir é non volver, aínda que guinden contra o prato da balanza a opción de ver mundo baratamente.

A Walter, esa revelación da intelixencia, esquéceselle opinar. Estamos máis ocupados falando do bloque, lembrando vellas figuras do fútbol de Eusebio a Tocornal, ou cavilando qué libros len e qué pachuzos fuman os rapaces da galleira do futuro.

A confusión permanece ou agrándase. Berlín, Henri e Iop: sabédevos testemuñas de cargo. Desta rolda de consultas quedan güisques, güisques, horas sen durmir, churrascada e máis güisques.


Leave a Comment