Leva Walter unha noite en humidtown e xa soltou as amarras do estor da sala. Pero tamén lle metemos unha bandullada de flocos de millo vendo Shrek. As animacións están ben, incluso é pavera por momentos, pero saímos e falamos de calquera outra cousa: a historia é un pouco previsíbel e sosota.

Ao contrario ca no libro sobre o xá de persia de kapusciñski. A historia é xenial, pero escangállaa un estilo plúmbeo que me parece incrible nel. Con todo, médranme as ganas de ver o sol de tehrán e sentir o recendo das súas rúas. Necesito ese mundo.

Na obra de Jewishtown do outro día non se salvaban nin historia nin procedementos. Pero sentimos a calor do verán interior e gozamos dunha fermosa viaxe na noite Boston, Fufli e unha amiga deles algo peloura. Boston fala de casar pra conseguir a residencia. Na calor, coas fiestras baixadas, mentres pasan os quilómetros do raposo, ata iso parece posíbel.


Leave a Comment