sorpresas

Despois de non dar localizado a Futuroscope en toda a semana, e de perder as chances da ilusión, vou por asuntos de traballo ao concello onde ten despacho. Alí o está: cruzamos un par de veces no corredor de alcaldía, mirámonos e saudámonos con complicidade.

Pero nada máis.

Ao chegar a humidtown mándolle mensaxe e, oh, demos, di que non me coñece de nada, que nada sabe da nosa conversa do outro día, e que sen dúbida debeu ser alguén que me quixo gastar unha broma. Morro de vergoña, claro: nunca tal lle fixen a un cliente da empresa.

Pero despois deste punto final, á noite comeza a mandarme mensaxes. Parece que agora si que se dá conta de quen veño sendo, e que a ver se nos vemos de novo axiña. Incluso pon data e hora: un acto público, con todos os concelleiros e concelleiras. Alí estarei, totalmente desconcertado, vencido e gañador ao mesmo tempo.


Leave a Comment