Aproveitando a ausencia vacacional de Todonada, vou facer unha recomendación. La Tirana é un trío de bosanova e bolero: cantan, cabaretean, samplean. Canta Patricia de Lorenzo, preñada, con toda a enerxía que lle dá levar tres quilos de vida nas entrañas. Ao contrabaixo Xacobe Martínez e nas bases e na guitarra un megafermoso Marcelino Galán, do que caemos namorados Plattdorf e eu. Plattdorf négao, porque creo que ten mozo, ou algo.
Cantan cousas lindas e cousas quizais algo empallagosas, pero o momento é feliz. Esta que vexo é unha galleira moderna, medianamente divertida, onde frolecen o amor, o desexo e os macintosh. Nego os últimos posts: son perfectamente contente, como só se pode estar contente en soidade. Despois de dous güisques con Plattdorf, Henri e (m)alicia, retírome á casa. Uli agarda por min. É tarde, e estou algo peneque, deitado nunha cama grande. Pero non me importa.


Leave a Comment