estrutura

Cando me ergo e comezo a recoller as cousas do piquenique megalítico de onte, dedico uns minutos a analizar a situación.

Problema 1: non teño a quen lle facer zume de pomelo os domingos á mañá.

Problema 2: o capitalismo estame acabando coas defensas.

Problema 3: teño ganas de marchar, como nunca.

Problema 4: o capitalismo tamén está facendo que o meu inglés non mellore, que non lle dedique tempo a estudar.

Problema 5: Boto contas e sáeme que de aquí ao quince de xaneiro só vou ter 3 días pra min.

A angustia da ponte foi só un síntoma; a crise estrutural estase chocando.

Sinto medo, pero fórzome a imaxinalo como un reto. Pecho a billa; tendo a roupa; saco o lixo; vou prá oficina.


Leave a Comment