desconexión
O chinés que me alugaba a wifi voltou pró seu país. Ademais, escocia pecha por vacacións durante cinco días e o meu punto principal de conexión máis. Por riba, apaño unha gripe. Así que levo moitos, moitos días sen poder conectarme, completamente illado do mundo, sabendo das catástrofes polas portadas dos xornais, polas breves mencións nos partes da radio do coche, polas sms dos amigos.
Non lembro a última vez que estiven tan desconectado. Vívese tranquilo así, pero só se vive media vida.


Leave a Comment