Nas escasas 150 iardas que hai dende a oficina en que traballo ata o ximnasio onde fago esgrima, faltoume o pelo dun carneiro pra atropelar na escuridade do serán, un despois do outro, a:
- un raposo que andaba a fozar nas papeleiras
- tres apiroladas chirlíders que saían á carreira do ximnasio vestidas co uniforme oficial (un escote con algo de verde e de branco)
- unha ducia longa de mozotes en gravata, cheos coma piollos, que se estaban despindo completamente ao lado do lago malia a evidente e implacable xiada
Nesta terra, calquera segundo é especial.
Qué atravesada que é esa xente co sistema de medidas…ten que ser infernento ter que andar a calcular todas as medidas para facerse unha idea :S
Non ho… é moi sinxelo. As iardas son algo menos dun metro, e as millas quilómetro e medio. A maior dificultade está no peso porque usan a pedra (stone) que esa si que é enrevesada. De feito os galóns, as polgadas e as libras están case controladas.
Tí mesmo o dís, *case* un metro. Como que case????, ou é ou non é!!! Que para algo está a exactitude XD
Pra que está a exactitude? A exactitude é imposíbel porque cando queremos medir unha iarda cun feixe de luz producimos unha alteración nos protóns da propia iarda que bla bla…
Touché!