Samson at CarnivàleGrazas a ese degustador de exquisiteces que é willysifones, acabo de rematar os capítulos da primeira tempada de Carnivàle. A sensación xeral é de preguiza: como amante do banal, a requiloria sobre o mal e o ben fáiseme demasiado pesada, e moitas veces chego ao minuto 35 mirando prá lámpada ou buscando arañas polo teito e desexando que peche por esta noite a función do circo. Tamén é verdade que ao lado dos previsibles lugares comúns de méxico e dos templarios está un atractivísimo gañán orelludo e medio trenco; que ao carón desa prosodia fastiante do reverendo está o camiñar agudo do anano Samson; que ao pé de efectos especiais de serie f brilla unha historia de amor fermosa e tráxica, como todas as verdadeiras historias de amor.
Ademais o último capítulo, que eu acabo de ver cando se achega a toma de antibióticos da alba, é tan electrizante que boto con urxencia a nasa no torrente pra apañar a segunda tempada. Willy saberá.


5 Comments to “carnivàle”

  1. willy | February 5th, 2008 at 2:49 am

    talk with management!

  2. dorfun | February 6th, 2008 at 2:47 am

    …algún día daranlle a HBO un premio nobel ou algo así, por todo o ben que fixo pola imaxinación colectiva do proletariado…

  3. A dorfunteca » Quick News Flagged Articles | February 6th, 2008 at 8:38 am

    [...] del.icio.us/teleclube: Máis críticas á primeira sesión de Carnivàle http://astuasbalas.com/2008/02/04/carnivale/ [...]

  4. cesare | February 6th, 2008 at 9:20 am

    #2 Oia, que eu non son proletariado!! :D

  5. dorfun | February 8th, 2008 at 8:06 am

    …é verdade… vostede é “mass media”… ;D

Leave a Comment