Deprecated: Function set_magic_quotes_runtime() is deprecated in /home/dispara/astuasbalas.com/wp-settings.php on line 18

Strict Standards: Declaration of Walker_Comment::start_lvl() should be compatible with Walker::start_lvl(&$output) in /home/dispara/astuasbalas.com/wp-includes/comment-template.php on line 0

Strict Standards: Declaration of Walker_Comment::end_lvl() should be compatible with Walker::end_lvl(&$output) in /home/dispara/astuasbalas.com/wp-includes/comment-template.php on line 0

Strict Standards: Declaration of Walker_Comment::start_el() should be compatible with Walker::start_el(&$output) in /home/dispara/astuasbalas.com/wp-includes/comment-template.php on line 0

Strict Standards: Declaration of Walker_Comment::end_el() should be compatible with Walker::end_el(&$output) in /home/dispara/astuasbalas.com/wp-includes/comment-template.php on line 0

Warning: session_start(): Cannot send session cookie - headers already sent by (output started at /home/dispara/astuasbalas.com/wp-settings.php:18) in /home/dispara/astuasbalas.com/wp-content/plugins/wordpress-automatic-upgrade/wordpress-automatic-upgrade.php on line 121

Warning: session_start(): Cannot send session cache limiter - headers already sent (output started at /home/dispara/astuasbalas.com/wp-settings.php:18) in /home/dispara/astuasbalas.com/wp-content/plugins/wordpress-automatic-upgrade/wordpress-automatic-upgrade.php on line 121

Strict Standards: Redefining already defined constructor for class ftp_base in /home/dispara/astuasbalas.com/wp-content/plugins/wordpress-automatic-upgrade/lib/ftp_class.php on line 56

Strict Standards: Redefining already defined constructor for class ftp in /home/dispara/astuasbalas.com/wp-content/plugins/wordpress-automatic-upgrade/lib/ftp_class_sockets.php on line 8
As túas balas » Blog Archive » Quintana dimisión

Eu fun Quintana durante uns días. Crin realmente no seu proxecto, e creo moito nel como político. Nunca ningún galego me entusiasmara tanto e, a pesar do BNG, estaría disposto a estar na primeira liña de algo que se denominase quintanismo. Porén, Galicia vai por outro lado. A derrota é inapelable, e Quintana ou, no seu defecto el e mais todos os responsables desta derrota, deberían dimitir. Iso non dá pra máis, e cada día de permanencia é un día máis de descreto prá cidadanía, un día máis de impedir que alguén se poña visiblemente á fronte e tome as decisións adecuadas.
Como dixo fantasticamente orsinia nun tuiteo oral, Quintana progresou na Galicia fraguiana, pero Galicia xa non é fraguiana. Quintana conseguiu algo impensable: aumentar decididamente o voto no rural, e se non fose polo estrondoso derrube da capital provincial, Quintana tería colleitado resultados históricos na provincia de Ourense.
Pero ao tempo, os votos fuxiron polo outro lado. Son votos que se foron sobre todo cara ás opcións de dereita (PP e UPD), menos cara a opcións de progresía difusa (Os Verdes, PUM+J, brancos, nulos), e moito máis residualmente, cara á esquerda (EU). Ningún marchou cara ao nacionalismo.
Daquela, cara onde ir? Os de dentro, os que estaban esperando pra sacar a navalla e os que xa a tiñan sacada, cren que a súa é a boa dirección: máis esencias, máis asemblearismo, máis esquerdas, máis nacionalismo. Pero os números dos galegos son exactamente os contrarios: hai unha Galicia moderna que atopa no PP e en UPD valores que antes vía no BNG, votantes de Beiras que agora votan a Feijoo tan tranquilamente, e que nunca viron contradición entre unha cousa e outra.
Non hai sitio nos anos dez pra un partido falsamente asembleario; non hai sitio pra un partido chapado á antiga, rancio, falto de transparencia, e onde nunca ninguén dimite por nada. A democracia non é xa así.
Tampouco hai que autoenganarse: a situación é dramática. E o peor está por chegar, sen ir máis lonxe, en xuño. Pero se replicamos consignas xeradas por nós mesmos e non escoitamos o que di a xente, o BNG ten moitas probabilidades de ir ao suicidio. E non ao asasinato por parte dun compló mediático ou das forzas do mal, nin sequera á desintegración, non, ao suicidio.
Se eu fose Anxo Quintana, dimitiría. E a cidadanía, os votantes e os que o poderán ser nun futuro, están esperando que o faga. Levan horas esperando.


91 Comments to “Quintana dimisión”

  1. Spav | March 3rd, 2009 at 3:21 pm

    Vaia por diante que despois deste comentario “se me vexa o plumeiro”.

    Paréceme fatal tratar a calquera voto CAL-QUE-RA como “residual” como se dun lixo se tratase. Unha papeleta de EU, de Democracia Orensana, unha papeleta rota, un voto en blanco…todos, todiños querían significar algo. Cando se deposita a papeleta deposítase tamén parte das túas ideas, e, como ideas, nigunha merece ser desbotada como “refugallo”, “lixo” ou “residuo”.

    É esa mentalidade bi/tri partidista o inicio da dexeneración e deformación do sistema; paso previo á súa desintegración como sistema válido de elección.

  2. cesare | March 3rd, 2009 at 3:26 pm

    Non, non, Spav…, entendeume mal. Parece que non me coñece (bueno, non me coñece o suficiente, :).

    EU, DO, UPD e PUM+J non son residuais. Todos os votos fan unha democracia grande. O que é residual é, dentro do cómputo xeral dos votos que perde o BNG, os que marchan para unha forza determinada, que pode ser EU ou o PP.

  3. cesare | March 3rd, 2009 at 3:29 pm

    De feito dise “foron sobre todo cara… menos cara… e máis residualmente cara…”

  4. cesare | March 3rd, 2009 at 3:30 pm

    By the way, mola que se lle vexa o plumeiro. :D

  5. ascárida | March 3rd, 2009 at 3:40 pm

    <lol>parécelle o sitio adecuado para falar desto?</lol>

  6. cesare | March 3rd, 2009 at 3:44 pm

    @ascárida, LOL LOL LOL

  7. Migraine Man | March 3rd, 2009 at 3:52 pm

    Non sei ben por que, pero agora lembro o que me dixera meu pai hai un tempo cando lle quixen preguntar sobre o Quin, xa que o coñece de moitos anos. Resposta:”Non é o peor dos que están no partido”. Ben. Non é o peor ¿E o mellor? E, si hai alguén que o “supere” ¿por que non o elixiron?¿Pensaban tirar de golpe de estado alarican-style outra vez?

    O de Obama semella xa un comercio de Ikea, só lle falta a propaganda soterrada de cortas incontroladas de árbores.

    First we take Manhattan
    Then we take Berlin

    Mediño me dan…

  8. Iria | March 3rd, 2009 at 3:52 pm

    Banda sonora prá dimisión de Quintana:
    httpwww.youtube.comwatchvUmVunMqzqWMfeaturerelated

  9. Mario | March 3rd, 2009 at 4:14 pm

    A min danme máis que pensar os 17.000 votos de Terra Galega, cunha campaña modesta pero que copiaba moitos dos vellos principios do vello BNG (emigración, demografía, medio ambiente… que tamén manda carallo).

    De todos xeitos non creo que este BNG fose para progresar nunha Gz fraguiana, máis ben nunha Gz post-Prestige. Ese rédito acabou e non souberon tirar outro.

    Paciencia e forza.

  10. Anonymous | March 3rd, 2009 at 4:25 pm

    Quintana xa era un mal candidato hai seis anos. Era un candidato do século XX e por iso, precisamente por iso, sempre me sorprendeu que a vostede lle gustase tanto.

    Quintana non é un líder moderno e, peor aínda, non se comportou/ta como tal. Ninguén dunha cidade se podería identificar con el de ningunha maneira.

    Apostou a sacarlle votos ao PP no rural crendo que os vellos eran parvos e que abondaba ser bo mozo e bailar ben para levalos ao redil. Non: os vellos seguen a votar ao PP e os novos atoparon acubillo noutros lares.

    Quintana está morto e o BNG debe substituílo canto antes. Agradezámoslle os servizos prestados e busquemos outro/a sen présa pero sen pausa. Eis o problema.

  11. Un de paso | March 3rd, 2009 at 4:42 pm

    O BNG debería refundarse se realmente aspira a algo máis que aos sonhados 18 deputados, que xa di bastante das aspiracións deste “partido”. A refundación do meu ponto de vista debería “aggiornar” a organización e os principios políticos. Non pode pretender ocupar o espazo central un partído político que defende o comunismo, iso é descoñecer o noso pobo. Maioritariamente o noso país é conservador (que non reaccionario, nen facha). Que deixen as palestinas e as viaxes a Cuba e Venezuela para outros. Se entenden iso ben, se non seguirán sendo o que son.
    Respeito ao novo líder, do que tenho visto ultimamente a min quen máis me convence é Teresa Táboas: mulher de mediana idade, ben preparada, con experiencia en xestión, filla de emigrantes, urbana e con carácter.

  12. cossimo | March 3rd, 2009 at 5:22 pm

    Definitivamente a post-post-post modernidade (os anos 10) é ultra-ultra-ultrareaccionaria. Agora resulta que a política consiste en cautivar ás masas. Xa non hai realidade, só ways of life.
    Y una mierda!

  13. Paneleiro | March 3rd, 2009 at 5:25 pm

    Vamos ver. Ao BNG fôrom-se-lhe 50000 votos. Ao PSOE uns 73 mil. Esses 125000 nom fôrom para o PP (que só tirou 4000 mais) nem para a UPD que som só uns 23000, nem para TG que som uns 18000. Ainda aceitando que fugiram para ali, sumados dariam uns 50 mil. Vale, e os 75 mil restantes?

    Onde estám? Na abstençom (que é onde eu creio que fórom maioritariamente)? mas teoricamente a abstençom diminuiu fulgurantemente. Aqui algo nom quadra. E nom, nom estou insinuando que houvesse trampa. Mas as contas a mim, e a outros, nom nos saem.

    Quanto à demissom, ficaria mais estético que já se tivesse produzido, mas nom é o mais prático. Melhor tem uma sucessom ordenada. E sim, eu também penso que tanta viagem a Cuba estava de mais e o mesmo com Venezuela.

  14. r.r. | March 3rd, 2009 at 5:27 pm

    Mmm… Cossimo, qué ben falou. Pois xa non digo nada.

  15. Un de paso | March 3rd, 2009 at 5:33 pm

    Paneleiro, boa parte dos votos que faltan están nas sacas que veñen de América e o resto do mundo. Aínda non está todo contabilizado, que ese éche outro conto, que aquí só falan do escano que pode “recuperar” o PSOE por Ourense, pero os restos nas outras provincias tampouco son tan disparatados como para pensar que se poida “recuperar” algún máis por parte do PSOE.

  16. Un de paso | March 3rd, 2009 at 5:37 pm

    E outra cousa, na miña opinión o problema do BNG, se realmente quer ser o que di querer ser, non está en que perda 50.000 ou 10.000. O problema é que se conforme con ficar nos 310.000 apoios sobre un censo de máis de 2.600.000. Creo que debe ser un dos “partidos” que apoia e defende reximes comunistas con máis apoio popular no mundo occidental, que iso é o que somos: un país occidental do hemisferio norte, que ás veces algúns parece que nascesen en sudamérica ou

  17. cesare | March 3rd, 2009 at 5:38 pm

    Mario, os votos a Terra Galega viñeron de catro concellos e saíron de todos os partidos por igual. Obviamente, tamén do BNG.

    Ao que está de paso: superafavor de Teresa Táboas. En todos os aspectos.

    A Cossimo: a política non é iso. As eleccións si.

    A Paneleiro: vostede está facendo cálculos correctos, pero totais, e hai que prestar máis atención ás partes. O PP gañou 25.000 votos nas provincias atlánticas, non 4.000. O BNG nesas dúas perdeu 42.000. As interiores maquillan os resultados, pero non contan pra nada. UPD gañou 23.000. Póñalle 20.000 de brancos e nulos. 6.000 dos Verdes. 2.000 dun mundo máis xusto. 1.000 de EU. E algúns máis a TEGA…

    Claro que algúns non asumen que a maior parte deses votos foron para o PP, UPD e brancos…

  18. cesare | March 3rd, 2009 at 5:39 pm

    A un de paso: Plas, plas, plas.

  19. Un de paso | March 3rd, 2009 at 5:39 pm

    África e somos unha das sociedades con maior nível de desenvolvimento e benestar do mundo. Basta olhar cualquer informe da ONU e comparen os países que aí aparecen con os dados galegos e estaremos da metade para mui arriba do total de países do mundo. Disto parece ser que no BNG aínda non se deron conta.

  20. danielo | March 3rd, 2009 at 5:54 pm

    Pois eu creo e vos que citades a Obama que se fas un DAFO a oportunidade está en captar a toda esa xente que queda na casa elección tras elección. Como iso é publico podes ter un perfil demográfico dos que se absteñen. e.. oh! son maioritariamente xoves e urbanos.
    O bng ou calquera forza transformadora podería ter aí un caladoiro moi bo se se afasta totalmente dos xeitos actuais de facer política. Algo semellante ó que era antes pero máis “radical” no prantexamento.
    É dicir, lonxe das propostas UpyD, aparto de partido, etc.
    Democracia, esquerda, participación

  21. Un de paso | March 3rd, 2009 at 6:00 pm

    Só un último comentario (estas tardes maravilhosas de chuva é o que tenhen, que dan para cavilar muito). Tenho visto e ouvido muitos comentarios do tipo “temos PP para vinte anos”. Iso só pode responder a dous plantexamentos:

    a) Merda de povo pailán que vota os caciques.
    b) Merda de oposición incapaz de apresentar unha alternativa atractiva á nosa sociedade.

    Muito me temo que nos perdedores destas eleccións e boa parte de seu eleitorado o pensamento maioritario é a). Nese caso seguro que se compre a profecía dos 20 anos.

    O povo falou alto, claro e en liberdade. Non hai escusas.
    Como dicía a banda sonora de Mareas Vivas “Cando quero ben que falo, cando quero falo ben”.

  22. Anonymous | March 3rd, 2009 at 6:18 pm

    Eu voto por Martiño Noriega.

  23. alema | March 3rd, 2009 at 7:00 pm

    pois se vostede, cesare, que se declara quintanista, quere a cabeza do quin… imaxine os que non son tan quintanistas. :D

    e si, estou de acordo.
    ou dimite xa ou o dano será irreparable e continuará a caída de votos.

  24. soraya | March 3rd, 2009 at 7:01 pm

    Eu, sen embargo, voto por María Magdalena, Robespierre ou Prisiciliano.

  25. cesare | March 3rd, 2009 at 7:37 pm

    Eu tamén voto por Martiño Noriega.

  26. O Paneleiro blah blah blah | March 3rd, 2009 at 10:33 pm

    @ cesare: obrigado pola sugestom de olhar para as partes pois foi interessante e esclarecedor. Contodo, eu falava (e tinha na cabeça) do “apoio do povo”, nom do por quê da distribuiçom de escanos.

    @ undepaso: sim, sobra ser mais radical que Abu Mazen, mais anti-imperialista que Cuba e Venezuela todos juntos e só comparável ao Irám… De todas as maneiras, este é um mal generalizado na ex-extrema-esquerda que refúgia o seu ultra-esquerdismo na política externa. O PSOE (nom necessariamente o governo)é um bom exemplo. E desde logo, geograficamente estamos mais o norte que Boston, MA, e culturalmente nom andamos tam longe.

    A respeito de Martinho Noriega… quais som os seus grandes logros?

  27. As bancadas « Átomos e burbullas | March 3rd, 2009 at 10:42 pm

    [...] By cossimo Vexan isto. O post e, sobre todo, os comentarios. Aí o teñen: o subdesenvolvemento intelectual das novas [...]

  28. O Paneleiro blah blah blah | March 3rd, 2009 at 11:38 pm

    Cossimo, isso que foi? um outing? :P

    Considera-te beijado, eurocentricamente, isso sim

  29. Bradomin | March 4th, 2009 at 12:00 am

    Cesare, tes razon, tes razon, tes razon, e todos sufrimos un baixon, un baixon, un baixon. Non hai nada que se pode facer, senon aceptar a verdade ou sela sua vitima.

  30. kaplan | March 4th, 2009 at 2:37 am

    eu tamén lle pido a dimisión
    (por certo: quen é martiño noriega?)

  31. cesare | March 4th, 2009 at 2:43 am

    lol lol, kaplan… fair enough.
    http://mirasfole.blogspot.com/2007/05/martio-primero-de-teo.html

  32. airadasenra | March 4th, 2009 at 3:34 am

    o bng fixoo ben (non disparen ainda) con pouco equipo trazou un plan onde agromaron proxectos interesantes: banco de terras, lei da vivenda, consorcio de benestar, escolas infantís gratuítas, nova cultura nos concursos públicos… e unha crecente valorización da lingua que estaba a asentar na xente (ó fin a lingua tiña máis cartas no desigal reparto que lle tocou xogar). Pero hoxe en día os votos van ó espectáculo… o pp soubo dalo (do bo e do malo) pois ten moitos canais polos que transmitir. O bng nin puido nin soubo e ademáis recibiu a peor parte, desde fora e desde dentro… Hoxe as ideas non son as que recollen máis votos como xa se viu. Ademáis ó seu lado navegaba un partido de tecnócratas sen brio acubillados baixo un respetábel político que fiou todo, tamén, no carisma que non tiña. Non había nin unha sola medida de goberno nas áreas socialista susceptible de ser vendida ó electorado e so lles quedaba a baza de Touriño-Presidente ou ben de facer tamén súas (que así era) as doutras consellerías do goberno. Houbo erros na lexislatura, como non, pero era de xustiza que tiveran un segundo pase para arranxalos. Non foi posibel no goberno da Xunta pero sí pode ser factíbel nos gobernos municipais e nas diputacions: que non caian na tentación, unha vez máis, do enfrentamento que lle despexe máis ainda o camiño ó pp e a recuperación do goberno no 2013 causa imposíbel…

  33. bouzafria | March 4th, 2009 at 9:31 am

    Eu son da corda de Airadasenra, o cal non é incompatible con case nada. Por outro lado, supoño que mellor sería achar un bo candidato antes que reclamar o espectáculo da pira ardendo, que cando remate o show só haberá cinzas e non teremos reposto preparado.
    E antes de ir debullando nomes cecais poidera ser máis útil determinar a estratexia, porque ésta determinará o líder máis acaído.

  34. cesare | March 4th, 2009 at 10:31 am

    1) o bipartito, e máis en concreto a parte nacionalista do bipartito, foi ao meu ver o mellor goberno da historia de gz. Pero non se trata de pasado. Agora é tempo de mirar o que facemos nos vindeiros catro anos.

    2) bos candidatos hainos. Outra cousa é que queiran. Tamén os hai horribles.

    3) Un partido moderno, urbano, áxil, actualizado nas súas propostas, ecoloxista e participativo (que é todo o contrario a asembleario), que non teña todo o día a nazón na boca e que non fale de loitas de clase que ninguén, agás eles, entenden. Iso é o que a xente dixo o 1 que estaba buscando. Que candidata ou candidato coincide con iso?

  35. danielo | March 4th, 2009 at 11:11 am

    Aos que tanto vos encanta lembrarvos do Obama… lembrade que el gañou abrindo novos caladoiros de voto na absteción. E iso en Gz, chámase esquerda urbana.

    @cesare “Participativo é todo o contrario a asambleario”. Non, para que sexa participativo ten que ser moito máis que asambleario; pero asambleario tamén.

    esquerda, ecoloxismo, respecto, participación, revocabilidade… entre outros.

  36. cesare | March 4th, 2009 at 11:17 am

    1. Quen lle di a vostede que a xente que se abstén é a esquerda urbana? Ten probas? Ou molaríalle que fose así?

    2. Participativo é todo o contrario de asembleario. A asemblea puido ser a forma de participación colectiva máis democrática no XIX e na primeira metade do XX. Pode ser que incluso funcione para grupos realmente reducidos na actualidade (comunidades de veciños pequenas, etc.). Pero estamos no século XXI. As asembleas non son efectivas xa. E ás probas me repito.

  37. Paneleiro | March 4th, 2009 at 1:31 pm

    “Un partido moderno, urbano, áxil, actualizado nas súas propostas, ecoloxista e participativo (que é todo o contrario a asembleario), que non teña todo o día a nazón na boca e que non fale de loitas de clase que ninguén, agás eles, entenden. ”

    Isso chama-se PSOE, e nom lhes foi tam bem.

  38. cesare | March 4th, 2009 at 1:38 pm

    Moderno? Áxil? Propostas? Participativo?

    E o pouco que tiñan de urbano parece que o van perder…

  39. Paneleiro | March 4th, 2009 at 1:40 pm

    “A asemblea puido ser a forma de participación colectiva máis democrática no XIX e na primeira metade do XX”

    Sinto contradizê-lo. Os sistemas partidarios já foram bem estudados em Europa no primeiro terço do sec. XX (p. ex., por Robert Michels), e já daquela nom eram assembleários, senom “participativos” o que, na realidade, equivalia, como demostraram os estudos, a oligárquicos. É dizer, a final os partidos estavam controlados pola oligarquia do aparelho do partido. Assim que esse sistema “participativo” de moderno tem pouco. E de democrático ainda menos. E sim, todos sabemos como som de manipuláveis as assembleias, mas também sabemos que dam espaço para a manobra contra os interesses das direcçons partidárias. Se nom, lembre o caso de Mera no BNG. Hoje algo semelhante nom se poderia dar… por ser “participativo”. Tambén agora no BNG a “lei de ferro das oligarquias” funciona.

  40. cesare | March 4th, 2009 at 1:51 pm

    Oh, non… imos ver. O sistema actual non é participativo. Pero non o foi ningún sistema, e tampouco o asembleario. Pode dicirme que foi o que conseguiu Mera? (e eu son supermerista, que conste).

    Pero no século XXI hai moitas máis formas de participación, de estruturación de redes, de redistribución de responsabilidades, de implicación…

  41. abalante | March 4th, 2009 at 2:20 pm

    Por suposto que estamos en Europa: xa temos o noso Sarkozy…
    Eu sen dúbida ningunha voto por Teresa Táboas.

  42. pingheiras | March 4th, 2009 at 2:55 pm

    concordo con cesare.
    é preciso maís cosmopolitismo, máis ecoloxismo, máis modernidade.
    que o bng copie de renault!. E que ingresen no PP…ui non, a ver se van re-editar o Movimiento Nacional, tan liberal, moderno, epateador.
    bicos

  43. danielo | March 4th, 2009 at 5:28 pm

    @cesare
    1.A abstención é xove e urbana, si. Pero non é unha hipótese, é un dato. Ou non sabe que hai unha cousa chamada censo electorais onde se pode contrastar quen votou e quen non? Ou que as mesas se clasifican pola súa tipoloxía sociolóxica e se poden comparar as abstencións

    2.As asambleas conectan as org coas bases. E hoxe, asamblea non é só unha sala moi grande con moita xente. Penso que os dous sabemos que a participación é posible hoxe de mil xeitos (tanto na maduración coma na toma de decisións) pero sen unha base asamblearia (decisión consensuada, revocabilidade…) non é nada.
    Nun modelo asambleario non habería plus de altos cargos, por exemplo.

  44. danielo | March 4th, 2009 at 5:28 pm

    Por certo que mal escribo no seu blogue hoyga

  45. cesare | March 4th, 2009 at 5:34 pm

    @danielo
    Hai censos electorais, si, pero gustaríame saber dalgún estudo que en base a eses censos:
    a) ditamine a idade dos que se absteñen
    b) ditamine que idade teñen os que se absteñen fóra das vilas
    c) diga que eses que se absteñen son de esquerdas, como vostede apuntaba nun comezo.

    Nun modelo asembleario habería plus pra todos. Prós que o fan ben e prós que o fan mal.

  46. danielo | March 4th, 2009 at 6:19 pm

    @cesare
    a) e b) están en posesión de todos os partidos políticos e de moitos outros grupos que se presentan ás eleccións para ter o censo sen ter que compralo.
    Basta comparar os datos censais coa folla na que che apuntan can vas ó colexio e din “Cesare, vota”

    O c) non é tan crystal clear pero traballando un pouquiño a socioloxía verá interese na ecoloxía, xustiza, etc neses grupos de abstencionistas

    O do plus dos altos cargos: referíame a que cunha organización participativa non habería posibilidade de aprovar o “plus de altos cargos” que se fixo tan famoso nestes últimos tempos. Por iso do principio de revocabilidade dos modelos asamblearios.

    Que a asamblea non é un espazo é unha cultura, un modus operandi

    PD. en que quedou aquilo da national conversation escocesa?

  47. cesare | March 4th, 2009 at 6:33 pm

    @danielo

    Si, sei de onde se poden sacar as datas de nacemento dos abstencionistas. O que me pregunto é se alguén a sacou e ademais fixo estudos sobre eles. Ou se é falar por falar.

    Estou perfectamente convencido de que o sistema de asembleas piramidais do BNG, sen ir máis lonxe, podería aprobar o plus dos altos cargos e cousas ben peores.

    a última pregunta é unha boísima pregunta que me pilla a pé cambiado. Tomo nota.

  48. danielo | March 4th, 2009 at 6:39 pm

    De feito, as asambleas piramidais do BNG igual até o aprobaron ;p

    Molaba un post sobre iso da conversation. Que por certo é un adianto ás webs de colabora de Obama.

    Ata outra!

  49. O Paneleiro blah blah blah | March 4th, 2009 at 8:50 pm

    cesare, o que conseguiu Mera foi fdr-lhes á oligarquia bloqueira o conselho nacional que tinham preparado e cooptado, o que, hoje em dia, num partido é quase impossível. Depois já nom lhe sei, nom lhe sigo a carreira.

  50. sHs | March 4th, 2009 at 10:45 pm

    As asembleas, incluídas as de veciños, son un coñazo e están pensadas para quen teña tempo que perder nelas

  51. Cesare | March 5th, 2009 at 1:19 am

    sHs, aos seus pés.

  52. demite | March 5th, 2009 at 4:54 am

    Seica as ratas abandonam o barco

  53. Cesare | March 5th, 2009 at 10:36 am

    Seica os mariñeiros en vez de sacar auga dan machadazos en cuberta.

  54. Paneleiro | March 5th, 2009 at 1:40 pm

    Ao ver o vídeo de Beiras, tivem umha experiência de transportaçom no tempo: 25 anos atrás. E já daquela nom me convencia.

  55. Cesare | March 5th, 2009 at 1:48 pm

    100% de acordo.
    A primeira vez que pensei de Beiras “estamos perdidos” foi cando perdeu as eleccións de 2001 e dixo na comparecencia que o PP fixera trampa. Daquela tampouco dimitira.

    Agora, con 73 anos, xúntanse ademais outros sentimentos.

  56. sHs | March 5th, 2009 at 3:04 pm

    Érgaseme, Cesare. Se o argumento para que Quintana non dimita é que primeiro hai que discutir cara onde ir e logo ver quen asume o temón, a proposta de Beiras é un chisco delirante, sobre todo despois da axuda prestada na campaña

  57. luis | March 5th, 2009 at 3:19 pm

    Temos un país no que no 2004 o esquerda gañou por un so deputado despois do prestige, a gueraa, as mentiras o 11-m e a victoira de ZP, e presentando o pp unha momia.
    As campañas fanse para movilizar aos votantes e drelles confianza e argumentos para arrastar a unha pequena minoria que está indecisa e normalmente vota aos que percibe como gañadores.
    Temos que aprender a lección de que se xogamos un partido e o outro equipo da patadas nas canillas e o arbitro está comprado, hai que utilizar as mesmas, ou peores armadillas, non podes por a outra fazula, porque vas recibir de novo. o bloque comenzou a reaccionar dous dias antes das eleccions e o psoe nin chegou a reaccionar.

  58. Cesare | March 5th, 2009 at 3:39 pm

    @sHs
    non entendo o que me di. :)

    @luis
    particularmente, se me dan tarascadas nunha canivela, non poño preto a outra. Pero eu estou máis neste partido pra non dar canivelas do que pra gañar.

  59. cossimo | March 5th, 2009 at 5:10 pm

    Hai por aquí unha persoa (ou personaxe, ou persoeiro, non sei moi ben) que ensalzou con fervor a figura do anxo caído e que segue a afirmar que o do BNG foi o mellor goberno que tivo Galicia. A conclusión resulta obvia:
    CESARE DIMISIÓN!!!

    Teña un pouco de dignidade, asuma as súas responsabilidades e deixe de agarrarse ao sillón. Queremos balas novas. Está claro que con vostede este blog non vai a parte ningunha.

  60. soraya | March 5th, 2009 at 5:24 pm

    Que non dimita Quintana, claro que non: deixen o cadáver á exposición públñica durante sete meses, que o imos pasar moi ben. En Sabón vano pasar aínda mellor ca nós.

  61. Cesare | March 5th, 2009 at 7:21 pm

    LOL LOL LOL LOL LOL
    Cossimo, candidato ese comment a comment do ano!!

  62. moinante | March 5th, 2009 at 10:41 pm

    A min Táboas gústame como candidata, mais tamén Fernando Blanco.

  63. câosemdono | March 6th, 2009 at 1:21 am

    Paco Rodríguez e os vellos coroneis da UPG, á casa. E Beiras, cos seus 73 anos, segue a ser a cabeza mellor amoblada do nacionalismo galego, co permiso de Camilo.

  64. cesare | March 6th, 2009 at 11:28 am

    Que leve o pelo longo non quere dicir que teña a cabeza ben amoblada. Dicir que o BNG ten que volver aos movementos sociais é, non só estar completamente fóra da realidade, senón ademais non saber ler os votos destas eleccións.

  65. câosemdono | March 6th, 2009 at 7:00 pm

    En realidade ignoro quen lle corta o pelo ó Beiras: o da cabeza ben amoblada dígoo só polos 50 ou 60 anos de compromiso intelectual co país, traducido en obras e ensaios que hoxe son clásicos e que nas estanteirías de moitos ocupan un senlleiro lugar ó pe mesmo do Sempre en Galiza. Por exemplo. Só por iso.

    Se por outra banda pretenden vostedes que o Bloque abandone definitivamente o carácter frentista e asambleario para adoptar os modus operandi dos partidechos convencionais, baseados en camarillas mafiosescas xerarquizadas conectadas cos poderes fácticos coa fin última de perpetuárense nas institucións, e acabar confundindo a táctica coa estratexia e os medios coas fins, supoño que tamén estarán vostedes de noraboa polos resultados do domingo.

  66. cesare | March 6th, 2009 at 11:52 pm

    Obras e ensaios que hoxe son clásicos? Leu vostede “o” ensaio? Porque é moi ilustrativo ver como ese ensaio está cheo de argumentos sen datos, de hipóteses nunca respaldadas polas cifras e, en fin, de imprecisións.

  67. Migraine Man | March 7th, 2009 at 1:16 am

    Un partido regularmente xestionado ten que ter un “estilo propio” que o diferencie de toda a vida(¿alguén me entende?), pero tamén adaptarse ó que ocorra na sociedade en cada momento. Afírmome na miña posición de que o que fixo á xente non votar ó BNG foi a percepción da súa corrupción que, por suposto, non ten que ver co statu quo da corrupción real, e que, polo que eu experimentei no meu entorno máis caseiro e nacionalista, correu coma un regueiro de pólvora. Seica fixeron de máis o que dicían ían non consentir.

    …Pero isto é falar por falar, xa o sabemos.

  68. câosemdono | March 7th, 2009 at 1:45 am

    Non quixera poñerme en plan escolástico, cousa que me incomoda, pero é obvio que o que non leu “o” ensaio paréceme que foi vostede, ou xa o ten esquecido: hai un resume estatístico con trinta cadros tomados de distintas fontes (mesmo da propia tese doutoral do autor, pero non só) ó final do texto na edición de Xerais que teño diante do fuciño arestora, supoño que con ánimo, como mínimo, de ilustrar a coherencia das teses expostas. Sí, Cesare, algúns aínda o temos de libro de cabeceira, o cal non quere dicir que case 40 anos despois non estea obsoleto en moitas partes, errado en moitos dos seus pronósticos e discutible -xa mesmo daquela- en boa parte do seu diagnóstico.

    Sabe vostede perfectamente que os tiros non van por aí.

    En calquera caso, dígame: acaso Sempre en Galiza é unha obra menor dende o punto de vista político para o nacionalismo por carecer de “cifras que respalden as teses” de Castelao ou esté pragado de “imprecisións”?

  69. reactio | March 7th, 2009 at 2:49 am

    Tan mal ía a cousa con Beiras? Recórdovos que o teito electoral do Bloque é de 18 escanos conseguidos con él de líder. Igual vos gusta máis o surrealista tándem da vella garda upegalla turrando dun populista como o Quintana que nin sabe colocar os pronomes en Galego.
    Voltar aos movementos sociais un atraso? Pois se cadra será moito mellor que darlle as costas á base social da que o BNG renegou bébedo de poder.
    Teresa Táboas e Suárez Canal serían para min as dúas excepcións do auténtico despropósito do Bloque no bipartito.

  70. reactio | March 7th, 2009 at 2:54 am

    …Cada día que pasa sen que dimita ninguén por estes penosos resultados electorais é un día menos para refundar un partido que recupere a credibilidade por parte do seu electorado natural…

  71. cesare | March 7th, 2009 at 12:41 pm

    @cãosemdono
    Edición de Xerais? Non creo que ninguén lle poida restar a ese libro o seu valor histórico, pero dende logo, como texto científico, aínda que pioneiro, está inzado de paxaradas sen xustificar e de apriorismos ideolóxicos sustentados no aire. Vale que ao mellor era todo o que se podía facer daquela, iso non o discuto. Pero respaldar o valor intelectual dunha persoa agora por un libro malucho de hai 37 anos… Escribiu algo máis realmente valioso dende aquela?

    @reactio
    A cousa con Beiras foi ben a finais do século pasado, si. Fíxose moito rebumbio e gobernaron en Vilar de Santos, Fene, Corcubión e Rairiz de Veiga.

  72. reactio | March 7th, 2009 at 6:08 pm

    Prefiro o pequeno rebumbio coherente de gobernaren en pequenos lugares (benzoado balbordo!) a un bloque descastado que non soubo ser poder e transmite mediocridade por boca de líderes grisáceos. Pode que algún prefira os sons da socialdemocracia desaborida aupada, incluso aupegada por un fato de xente dogmática (e eu xa non entendo cal é o dogma dos upegallos visto o visto… será a copla española?)

  73. cesare | March 7th, 2009 at 6:17 pm

    Ahá reactio. Se o entendín ben vostede prefire a alcaldía da Bola á creación dunha rede de centros de atención e información sexual dende unha consellaría?

  74. reactio | March 7th, 2009 at 6:36 pm

    E se eu o entendín ben, vostede prefire 12 a 18 escanos: estar en caída libre desde hai 10 anos a ser a segunda forza política do país.
    E precisamente por un exercicio do poder que destilou arrogancia a montes, os centros dos que falas (que por outra banda vexo con moi bos ollos) teñen os días contados.
    Se o endendín ben , vostede non é consciente de que o BNG ten unha crise moi grave. Para saír dela sería bo facer un pouco de autocrítica e ceder o mando.

  75. cesare | March 7th, 2009 at 6:41 pm

    Non, máis ben creo que vostede chegou aos responsos e non sabe quen foi o morto. :)

    A min a crise do BNG “me la suda por delante y por detrás”, que diría o defunto de Pepe Rubianes. Ora, o que non me dá igual é o futuro dos meus sobriños, e por el, creo que molaba unha forza política moderna, progresista, galeguista e eficaz. De paxaradas xa tivemos bastantes, con 18 e con 12.

  76. reactio | March 7th, 2009 at 7:59 pm

    Pechando o asunto; se lla suda a crise do BNG xa me dirá de onde virá esa forza política moderna, progresista, galeguista e eficaz da que fala.
    Cambio e corto.

  77. cesare | March 7th, 2009 at 8:05 pm

    @reactio
    Existe vida fóra do BNG (tamén).

  78. reactio | March 7th, 2009 at 8:48 pm

    Afortunadamente, seino mellor ca tí…

  79. cãosemdono | March 7th, 2009 at 9:28 pm

    “Respaldar o valor intelectual dunha persoa por un libro malucho de hai 37 anos…” supoño que se refire vostede a Paco Umbral, ou algún deses.

    Non me sexa ignorante, home.

    Polo demáis, subscribo totalmente os comentarios de Reactio.

  80. cesare | March 7th, 2009 at 9:37 pm

    Non lin nada de Umbral. A Beiras, si.

  81. cãosemdono | March 7th, 2009 at 9:39 pm

    Sí, de Beiras as inefables reseñas que lle fixo Carlos Luis Rodríguez, do estilo “Ni colonia ni champú”.

    Conféseo. Se tampouco pasa nada, hom.

  82. cesare | March 7th, 2009 at 9:49 pm

    Home, se nos poñemos a citar, direille que iso de Colonia ou champú foi o título dun artigo de Carlos Casares publicado no xornal El País.

    E se lle vale pra algo, efectivament lin “o” ensaio de Beiras na súa versión “revisada” (!) publicada en 1997 por Laiovento.

  83. cãosemdono | March 7th, 2009 at 10:17 pm

    Sí, pero recollendo outro previo de Carlos Luis na Voz de 1989, cando tiña columna semanal. Eu lémbroo porque estaba na facultade e fora bastante sonado.

    Home, alégrome ver que xa alomenos asume que o ensaio é ensaio, non obra científica. E se o leu realmente, non entendo como dí o que dí máis arriba. Revise as súas intervencións: non é o mesmo facer de francotirador selectivo que disparar contra todo o que se move. Máis que nada para non equivocarse de nimigo.

  84. cãosemdono | March 8th, 2009 at 12:11 am

    Creo que me trabuquei, e rectifico: efectivamente, o artigo de opinión é de Carlos Casares e publicado no Pais no 88, aínda que Carlos Luis, anos máis tarde e xa dende A Coz de Malicia, parafraseárao.

    Polo demáis, ratifícome no contido de todos os meus comentarios sen excepción. E sen animosidade persoal contra ninguén, dito sexa de paso.

  85. cesare | March 8th, 2009 at 12:22 am

    Ensaios hai de todo tipo, efectivamente. Eu prefiro os de rugbi, postos a escoller, pero se falamos de libros, hai unha diferenza entre os ensaios serios e as teorías da conspiración: as probas, as evidencias, os datos.

    Unha cousa é que nesa obra se acheguen datos e outra que as interpretacións que alí se fan se apoien en datos. Pero bueno, eu non trouxen aquí a ese escritor como modelo a seguir no futuro. Esa foi unha etapa brillante que non deixou ningún resultado. Aínda que, se queren, poden seguir mirando o resplandor.

  86. cãosemdono | March 8th, 2009 at 1:14 am

    E dálle!

    Claro. Daquela vai resultar que só son serios os ensaios que lle parece a vostede. Como o do empresario aquél que despotricaba contra a burocracia, ou a literatura de aeroporto que glosou noutras ocasións.

    Ninguén falou de ningún “escritor” como modelo a seguir no futuro. Eu falei dun persoeiro como referente político e dun ensaio seu como proba da súa aportación e do seu compromiso. O de que esa etapa non deixou resultados dío vostede agora, retorcendo novamente os conceptos. Mire, pois faga o seguinte exercicio, e xa me contará: intente maxinar qué sería do nacionalismo das últimas décadas sen o BNG, e do BNG sen Beiras. Ítem máis, e ímolo dicir todo: a ver qué sería da esquerda en Galicia sen nengún deles, vale? Non me vai moito a historia ficción, pero se cadra, e de entrada, aínda teríamos a Fraga durmitando nos consellos da xunta.

    Por outra banda, hai uns días publica vostede un post con dez razón para votar ó BNG. Hai unhas horas dí que o BNG “se la suda”. Agora desmárcase do debate, xa que seica o seu reino non é deste mundo. Así mentres vostede, solitaria e incomprendida figura que camiña cara o solpor, sinala cara a lúa, só ficamos os parvos mirando para o seu dedo.

    Veño, ho.

  87. cesare | March 8th, 2009 at 1:28 am

    Ei, ei, ei… Non vaia por aí. Viva a literatura de aeroporto ben documentada, si, e ben referenciada. Porque ata no aeroporto saben facer esas cousas.

    Non teño nada que criticarlle ao compromiso, á vontade, ao traballo… E tampouco é de dubidar que sen o liderado de Beiras o BNG non estaría onde está agora. Beiras foi un político do século XX que fixo unha achega importantísima, iso é indiscutible, pero de aí a poñer os ollos en el como referente e guía pró que ten que vir, manda carallo. Iso é, sinceramente, non ver de onde viñeron os paus.

    O último parágrafo si que é serio. Eu publiquei un post con dez razóns pra votar o BNG porque votei o BNG, fun o seu votante, máis convencido ca nunca. O que faga o BNG por dentro, coas súas tripas, é algo que non me compete porque eu non son militante. Quintana débeme unha dimisión como votante, non como militante.

  88. cãosemdono | March 8th, 2009 at 3:28 am

    Non é referente e guía pró que ten que vir. Polo de agora púxose á fronte dos que esixen a dimisión do consello. Personalmente, dubido que teña interese personal en proseguir máis aló do estrictamente necesario, é dicir, de pilotar provisoriamente unha transición ordeada coas europeas á vista, para que non ocorra unha avaría máis grave.

    Coñece vostede a Cincinato? Pois iso.

    Así o vexo eu. Tamén dende fora, como vostede, pero dende a simpatía.

  89. O Paneleiro blah blah blah | March 8th, 2009 at 2:51 pm

    Umha cousa, cesare, crê que Quintana tem a obriga de demitir dos seus cargos orgánicos no BNG ante os seus eleitores?

    Na minha maneira de vê-lo, como nom estou afiliado a essa organizaçom, nom considero que seja umha obriga ante mim como votante de demitir dos seus cargos no BNG. O que ocorre no BNG é cousa dos seus afiliados, e, em todo caso, será ante eles ante quem tenha essa obriga. Eu como votante limito-me a ter a minha opiniom sobre a sua oferta e, conforme a isso, votá-los ou nom. Mas, e se eles nom quigeram que demitisse?

    Voltando ao assunto, vejo que já oS ensaioS virarom nO ensaiO. E de ser um clássico numha obra do seu compromisso. Como preferir, preferia o libro de CN sobre povoaçom e desenvolvimento económico de Galiza: era muito mais realista e com um um aparelho de estatístico. Isso sim, CN tinha de pinta de digno pai de família, sem melena, sen colonialismo… o que o fazia muito menos romántico e mais prosaico.

  90. O Paneleiro blah blah blah | March 8th, 2009 at 2:52 pm

    “e com um bom aparelho estatístico” era o que queria dizer.

  91. cãosemdono | March 8th, 2009 at 8:55 pm

    Paneleiro: realmente non vexo contradicción entre o carácter clásico de “o” ensaio coa súa condición de producto do compromiso do autor. Melenas e colonialismo aparte (que tampouco sei qué pintan na mesma frase), lembre o triste destino do PSG-EG e do propio camilismo: primeiro desgazado para acabar en parte fagocitado polo PSdG, logo a remolque electoralmente do Bloque durante varios episodios electorales, acabando finalmente integrado os seus restos (opino que felizmente para todos) no propio BNG. Por tanto, militar no BNG non supón necesidade de asumir as teses do colonialismo interior: se non, xa me dirán qué pinta o propio Camilo, os do PNG e tantos outros colectivos.

    Para rematar, direi que é estimulante voltar comprobar que no espectro ideolóxico nacionalista segue a haber conciencia da necesidade de autocrítica, e que segue a haber un formigueo constante de ideas e inquietudes: moi lonxe da actitude autocompracente e curtopracista doutras ideoloxías hoxe aparentemente trunfantes.

Leave a Comment