Esperto contra a unha da noite, aterecido. Os dentes bátenme uns contra os outros. É a febre. Zampo uns cantos iburofenos e tento entrar en calor. Despois chega a fase das suores e logo un breve momento de alivio, que aproveito pra consultar qué debo facer en caso de gripe A. A web do goberno británico sobre o tema é unha especie de dragóns e mazmorras (se queres pelexar contra o ogro, pasa ao 2) onde teño que descartar todo tipo de patoloxías e eventualidades: embarazo, VIH, manchas vermellas, accidentes de tráfico, etc. Finalmente, e despois de infinitos nons, chego ao pack final de síntomas, en todo iguais aos da gripe normal (gripe DTV). Quédame a min escoller a diagnose, tendo en conta que me din que, sobre todo, non acuda ao centro de saúde (auga, pílulas comúns, paciencia e asistencia por teléfono).
E decido: gripe A, claro.
- Este é un espacio baleiro. Non teño necesidade de dicir nada. Quizais só necesito buscar a saída correcta da cidade, antes de que estean todas cortadas polos operarios do asfalto.
Dal matino alla sera
Espero que mellore pronto e ben; pense que logo quedará vde inmunizado e verá correr as augas diante da súa porta.
Ánimo
I wish you the same. A min pasoume o mesmo estando en Inglaterra. Estiven 3 días pechada na casa, ata que despois de falar cun médico do SERGAS, díxome: “Eu de ti plantábame no centro de saúde…que se entende ese de estar na casa” (días despois o SERGAS lanzaba a mesma mensaxe que o sistema de saúde inglés).
Fun ó centro de saúde, fixéronme a proba (que tardaron unha semana en darme os resultados e foron negativos), recetáronme o Tamiflú (e tiven que buscalo por 4 farmacias distintas, pois só o venden en determinadas farmacias. Resultado: de ter tido a gripe A teria contaxiado a 15 persoas que traballan en farmacias) e finalmente, despois de 8 días de estar na casa e farta do isolacionismo descubro que era constipado normal.
Sorte, todo irá ben, e seguro que o teu non pasa de gripe común!
P.D.: Gostame moito o teu blog!