O terceiro capítulo de Flash Forward é malo de solemnidade. Mira que estaba emocionado cos dous primeiros, pero este novo capítulo, especialmente nos seus últimos minutos, é un dominó de despropósitos e desaxustes.
Podo entender que edifiquen novos cárceres en Múnic, pois se cadra o asunto das prisións é unha cuestión de seguridade nacional. Podo comprender que inventen unha rexión en Somalia pra non pagarlles dereitos de autor aos somalís. Podo admitir que o nazi teña 86 anos en 2009, dezaseis ao comezo da II Guerra Mundial, pois calquera idade é mala pra montar un holocausto. Podo conceder que o ordenador do FBI vaia lento, mostre datos agora si e agora non, e teña unha visualización dos primeiros supermarios, mais quizais estea funcionando sobre windows vista. Podo incluso pasar que desenvolvan prá ocasión sistemas de detección das poboacións de aves, pois o I+D+i é un sector que nos sacará da crise. E dóeme ata na conciencia, pero podo transixir con semellantes erros taxonómicos e de distribucións de especies de aves, a tiro de calquera wikipedia.
Pero o que non me entra na cabeza é que lles fixen eu pra fodérenme a ficción de tal maneira.
- Este é un espacio baleiro. Non teño necesidade de dicir nada. Quizais só necesito buscar a saída correcta da cidade, antes de que estean todas cortadas polos operarios do asfalto.
Dal matino alla sera
Curioso, rapaz. A mín pásame o que contas tódolos días. O caso é cambiar realidade por ficción asegún sexa o caso. Cousas de un, que sae da casa pouquiño.
Iso pásache por crer no hype. Non será por non teres boas series que ver na casa…
Ainda non o vin , pero eu creo que o segundo xa era tirando a regular
Acabo de ver o segundo e xa estou retirado. Dos cincuenta minutos que dura o capítulo máis de dez son flashbacks do flashforward do carallo. Estou ata os narices de ver a tipa nun batín cárdeno anos oitenta deitada na cama ao final do encadre toda borrosa.
Nin sexo nin trazas de sexo hai. E por riba, traballa Fiennes. Só a posibilidade de que a de gafas saira co coreano podía salvar o capítulo, pero nin esas. Nin sacou as gafas.
Bueno. Espera ao 4º está bastante mellor levado. :S
E non vexas Heroes, logo. Que esa si que perdeu fío dabondo como para abandonala no monte.
Si, o cuarto mellorou. A ver o quinto mañá…
Eu non gusto do primeiro. Eu non creo que vou asistir a outra.