Arquivo de tags

Existirá na miña vida un antes e un despois da conferencia de michel bauwens no urbanlabs de cornellá. En tempos de rebumbio económico, as súas palabras son recollidas polo auditorio como un “imos asestarlle o golpe final ao capitalismo”. En realidade, bauwens non dicía nada semellante. Pero si que agoirou unha crise no concepto de valor que se pode intuír neste exemplo: o software libre só xera uns x millóns de dólares ao ano, pero a súa existencia fai que o software propietario deixe de gañar dez veces ese diñeiro. Ou sexa, 9x desaparecen grazas ao traballo cooperativo. Unha crise de valor á que bauwens lle ve moitos paralelismos na debacle do imperio romano, e que se pode ir intuíndo na mestura actual dos procesos produtivos: xa hoxe, millóns de traballadores en todo o mundo expropian a plusvalía e diríxena a proxectos cooperativos, peer to peer, onde non existe transferencia monetaria. Con parte do auditorio disposto xa a asaltar unha veciña oficina de caixa laietana, bauwens puxo orde e tranquilidade: agardannos tempos duros, pero temos que manter a vista fixa no horizonte.